Kryddað poppkorn

1 msk. smoked paprika
1 msk. karrý
1 msk. salt
1 1/2 tsk. cumin
1 1/2 tsk. kanill

Kryddblöndunni er svo stráð yfir poppaðan maís.  Magn eftir smekk.

 

Súkkulaði skúffukaka

110 gr. smjör
1 bolli sykur
2 egg
1 tsk. vanilludropar
1/3 bolli kakó
1/2 bolli hveiti
1/4 tsk. salt
1/4 tsk. lyftiduft
 
Krem
45 gr. smjör (mjúkt)
3 msk. kakó
1 msk. hunang
1 tsk. vanilludropar
2/3 bolli flórsykur

Brillíant skúffukaka, fljótleg, auðveld, ótrúlega góð og passlega stór.  Og það þarf ekki einu sinni að draga fram hrærivélina.  Bræðið smjörið í potti takið pottinn af hellunni og hrærið í sykri, eggjum, vanilludropum, kakói, hveiti, salti og lyftidufti með píski.  Hellið í smurt hveitistráð form sem er ca. 20x20 cm.

Bakað við 175°C í 25-30 mín.

Útbúið kremið á meðan kakan bakast en best er að setja það á kökuna á meðan hún er enn vel heit. 

Vanillubúðingsbollur

1/2 l. mjólk
5 tsk. þurrger
100 gr. smjörlíki
130 gr. sykur
1 - 2 tsk. kardimommur (steyttar)
750 gr. hveiti (5 1/2 - 6 bollar)

Vanillubúðingur.
Royal 1/2 pk + 200 ml. mjólk

Glassúr krem
60 gr. brætt smjör
1 1/2 b. flórsykur
1 tsk. vanilludropar
mjólk eftir þörfum

Kókosmjöl

Útbúið búðinginn fyrst svo hann verði tilbúinn þegar á að nota hann.

Deigið útbúið eins og annað gerdeig.  Fyrri hefing er um 1 tími eða þar til deigið hefur tvöfaldað sig.  Þá eru búnar til bollur (ca. 16 stk.) gott að þrýsta aðeins á þær með lófanum svo þær verði aðeins flatar.   Seinni hefing er svo um 15 mínútur og þá er gerð hola í bollurnar á miðjunni fyrir búðinginn, vanillubúðingur settur í holuna (1-2 msk.), ekki fylla alveg því bollurnar hefast aðeins eftir að þær fara í ofninn.

Bakaðar við 225°C í ca. 15 mín.

Kremið sett á t.d. eins og meðfylgjandi mynd sýnir og kókosmjöli stráð yfir.